Organizata LENS ju bën thirrje të gjithë ndërmarrësve të rijnë dhe organizatave të cilat operojnë nën principet e ndërmarrjeve sociale që të aplikojnë në programin përshpejtues apo laboratiorin e ndërmarrjeve sociale, i cili do të mbahet nga data 12 deri 16 nëntor 2018 në Prishtinë.
Laboratori i ndërmarrjeve sociale do të zhvillohet në partneritet me Uncharted dhe është përkrahur nga organizata People in Need.
Ky program do të përbehet nga 5 ditë punëtori aktive:
Dita 1: Orientimi i ndërmarrësve, krijimi i vlerës dhe pozicionimit në treg
Dita 2: Krijimi i prototipit
Dita 3: Krijimi i rrjetit profesional (së bashku me mentor),
Dita 4: Planifikimi strategjik
Dita 5: Takimi me mentor, prezantimi i punës
Të drejtë aplikimi kanë të gjitha entitetet të cilat operojnë nën principet e ndërmarrjeve sociale operojnë nën një kauzë shoqërore dhe plotësojnë njërin nga kriteret më poshtë:
- Ndërmarrjet të cilat kanë zhvilluar një ide biznesi, kanë zhvilluar produktin, mirëpo nuk janë duke operuar në nivel më të gjerë të tregut
- Ndërmarrjet të cilat kanë përvojë në ofrimin e shërbimeve të caktuara, mirëpo nuk kanë strategji të gjenerimit të profitit nga ky shërbim
- Ndërmarrjet të cilat janë duke gjeneruar të hyra nga programi i tyre, mirëpo nuk kanë ndonjë strategji të qartë të rritjes
Për të shprehur interesimin tuaj për pjesëmarrje në këtë program, duhet të plotësoni formularin e aplikimit: https://bit.ly/2M4h4Vw
Aplikimet mund të bëhen deri me datën 30 shtator 2018, ndërsa aplikuesit do të njoftohen për përzgjedhje më së largu deri me datën 15 tetor 2018.